Фармахем ДООЕЛ Скопје објавува оглас за вработување за позицијата:

Стручен соработник за комерција
Сектор Дијагностика и лекови

Во рамки на проширување и развој на тимот, бараме одговорна, проактивна и професионална личност која ќе биде вклучена во промоција на производното портфолио, развој на продажните активности и градење долгорочна соработка со клиентите во областа на дијагностиката.

Потребни квалификации и компетенции:

• Завршено високо образование од областа на природните науки или фармацијата: ПМФ — биохемија, хемија или биологија или Фармацевтски факултет, со афинитет и солидни познавања од областа на биохемијата;
• Најмалку 3 години релевантно работно искуство во продажба од слична природа (ин-витро дијагностички медицински помагала /лекови/хемикалии и сл.);
• Одлично познавање англиски јазик, во писмена и усна комуникација;
• Одлично познавање Microsoft Office и интернет алатки;
• Искуство во деловна кореспонденција ќе се смета за предност;
• Изразени организациски способности, прецизност, аналитичко размислување и способност за истовремено управување со повеќе задачи;
• Подготвеност за тимска работа и активно учество во планирање активности, посети, настани и промоции;
• Поседување возачка дозвола Б категорија и активно возење.

Главни работни одговорности:

Избраниот кандидат ќе има клучна улога во развојот на продажните активности, одржувањето професионална комуникација со клиентите и обезбедувањето поддршка за производните програми што ги застапува компанијата.

-       Одржување редовна комуникација и посети на клиенти со цел промоција и поддршка на производното портфолио што го застапува компанијата;

-       Планирање, следење и координација на залихи, нарачки и активности поврзани со доделените партнери и производни програми;

-       Изработка на годишни и месечни планови, како и редовни анализи на реализацијата во однос на поставените цели;

-       Следење и анализа на нови програми комплементарни со постоечкото портфолио, со цел проширување на работата во рамките на секторот;

-       Подготовка на понуди, поддршка при постапки за јавни набавки, следење на реализација на набавките и навремено иницирање нови активности.

Работниот однос е на определено време, со можност за продолжување на неопределено време, согласно потребите на компанијата и постигнатите резултати.

Нудиме:

• динамична и професионална работна средина;
• можност за континуирана професионална надградба и развој;
• одлични услови за работа и поддршка од искусен тим;
• можност за напредување во кариерата врз основа на постигнати резултати.

Позицијата е со седиште во Скопје.

Работно време од 08:00–16:00 h (понеделник–петок).

Доколку ги исполнувате наведените услови и сакате да станете дел од професионален и динамичен тим, Ве покануваме да ја испратите Вашата биографија на farmahem@farmahem.mk најдоцна до 15.10.2026.

Само кандидатите кои ќе влезат во потесен избор ќе бидат контактирани за следната фаза од процесот на селекција.